U Rwanda n’Ubudage mu rugamba rwo guhangana n’abakekwaho uruhare muri Jenoside yakorewe Abatutsi

Sena
y’u Rwanda yasabye abagize inteko ishingamategeko y’Ubudage ubufatanye mu
kurwanya abahakana bakanapfobya Jenoside yakorewe Abatutsi bari mu Budage
.

Byagarutsweho mu biganiro byahuje Perezida wa Sena y’u Rwanda n’Abadepite baturutse mu Budage.

Abadepite b’ubudage bari mu Rwanda mu rwego
rwo kwirebera iterambere ry’abanyarwanda nyuma y’imyaka 25 habaye Jenoside
yakorewe Abatutsi.

ANDEREAS MattFeldt uyoboye itsinda ry’aba Badepite
b’Ubudage yabwiye abanyamakuru ko u Rwanda ari igihugu kigaragaza icyizere
cy’ejo hazaza heza ndetse ko ibigo by’ubucuruzi byifuza kuhakorera ubucuruzi.

 Mattfeldt 
ati “Twaganiriye ku hazaza h’iki
gihugu, twasanze kandi hari ibyo tugiye duhuriraho, abantu mu ngeri zinyuranye
barimo  abashoramari basanze u Rwanda ari
igihugu gitanga ikizere muri Afurika. Kuva muri uyu mwaka kugeza mu 2020
twiyemeza gukorana bya hafi.”

U Rwanda rushima Ubudage ko kuba ari
umufatanyabikorwa ukomeye mu ngeri zitandukanye zirimo ubutabera.

 By’umwihariko
Sena  y’u Rwanda yabashimye uburyo Ubudage  bwaburanishije  Ignace Murwanashyaka  wari umuyobozi wa FDLR .

Perezida wa Sena y’u Rwanda Benard Makuza
yavuze ko mu byo basabye Abadepite mu budage harimo ubufatanye mu guhangana
n’abaphobya bakanahakana Jenoside yakorewe abatutsi.

Yagize ati“Abadage muzi ko hari umuntu
bakatiye mu  nkiko zabo ukurikiranyweho
icyaha cya Jenoside yakorewe Abatutsi Murwanashyaka wari unayoboye FDLR. Hari
n’undi bohoreje mu  Rwanda. Twaboneyeho
rero nk’inteko ishingamategeko kubasaba nk’abagenzi bacu nk’ijwi  rivuga i Burayi ko ubu bafasha cyane mu
byerekeranye n’abahakana banapfobya Jenoside yakorewe Abatutsi kandi bari mu
bihugu byabo, babitwemereye.”

Umubano hagati y’u Rwanda n’Ubudage si uwa
none  kuko ari umubano umaze imyaka myinshi.

Jenoside ikimara guhagarikwa Ubudage nicyo
gihugu cya mbere cyafunguye ambasade yacyo mu  Rwanda.

U Rwanda kandi  rufitanye umubano wihariye n’Intara ya Rhenani
Palatina mu Budage, iyi Ntara ikaba ifasha Uturere twinshi two mu
Rwanda mu ngeri zitandukanye z’ubuzima bw’Igihugu cyane aho twavuga mu
Burezi n’Ubuzima.

Daniel
Hakizimana