Notice: Function _load_textdomain_just_in_time was called incorrectly. Translation loading for the colormag domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/flashrw/public_html/wp-includes/functions.php on line 6121
Covid 19 :Babiri bishwe na Coronavirus,abarwayi bashya icyenda, 30 barakira - FLASH RADIO&TV

Covid 19 :Babiri bishwe na Coronavirus,abarwayi bashya icyenda, 30 barakira

Abo babiri bishwe na COVID-19 ni Abanyarwanda umwe w’imyaka 46 n’undi w’imyaka 44 y’amavuko bitabye Imana bari i Kigali.

Minisiteri y’Ubuzima kandi yatangaje ko kuri uyu wa Gatanu habonetse abantu icyenda bashya banduye icyorezo cya COVID-19, mu gihe abandi 30 bakize.

Abo barwayi bashya icyenda babonetse mu bipimo 1,400 bakaba barimo 5 babonetse muri Kigali, babiri muri Nyamagabe, na babiri muri Nyagatare.

Kugeza kuri uyu wa Gatanu mu Rwanda abamaze kwandura icyo cyorezo ni 4,798 muri bo abamaze gukira ni 3,080 naho abakivurwa ni 1,689.

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.