Inama nkuru y’abagize idini ya Isilamu yatangiye gushyira igitutu k’ubutegetsi isaba ko leta yavana abasirikare b’igihugu muri Somalia.
Iyi nama ivuga ko kuba Kenya igifite abasirikare muri Somalia bibangamiye inyungu n’ituze ry’abaturage kuko ariho hava amakimbirane y’ibihugu byombi.
Aba bayobozi mu idini ya Islam bavuga ko ubundi ntaho byabaye ko igihugu kigenera ikindi uko gitegekwa bagasanga abategetsi ba Kenya bakwiye kureka Somalia igahangana n’ibibazo byayo.
Umwe muri aba bayobozi avuga ko Kenya yitwaza Alshabab ikavogera ubusugire bwa Somalia, agasanga niba igihugu cye gifitiye impungenge Alshabab gikwiye gushyira abasirikare bacyo ku mupaka batinjiye mu gihugu imbere.
Aba Islam muri Kenya bagaragaje impungeneg kubaturage babo mu gihugu nyuma yaho inkambi ebyiri z’abasirikare ba Somalia baswaniye imirwano ikagira ingaruka ku baturage mu ntara ya Mandera.
