Umubare w’abanduye Coronavirus mu Rwanda ugeze ku bantu 36, kuri uyu wa mbere honyine hagaragaye abanduye 17.
Nk’uko Minisiteri y’ubuzima yabigaragaje abenshi mu barwayi bashya bavuye i Dubai bagera ku 9. Umuntu umwe gusa ni we wandujwe n’uwo bahuye wavuye wanduriye coronavirus hanze, abandi bose 16 binjiye mu gihugu baramaze kwandura Coronavirus.
Aba bantu bapimwe hagati ya tariki 17-20 Werurwe 2020 bose bashyizwe mu kato hanashakishwa abo baba barahuye na bo.
Imibare mishya y’Ishami ry’Umuryango w’Abibumbye ryita ku Buzima (OMS) igaragaza ko ku Isi abanduye bagera ku 334,981 habariwemo n’abavuwe bagakira, abagera ku 14,652 bahitanywe na Coronavirus, ubu icyorezo kigeze mu bihugu 190.
Leta ya Uganda mu mibare yatangaje kuri uyu wa mbere, muri icyo gihugu habonetse ubwandu bushya bw’abantu 8 bituma abarwaye Covid-19 bagera ku bantu 9 mu minsi ibiri gusa.
