Umuyobozi w’akarere ka Rusizi Bwana Sindayiheba Phanuel yibukije Abanyarwanda ko kwibuka Jenoside yakorewe Abatusi mu 1994 ko atari umwihariko w’abarokotse Jenoside, inzego z’umutekano n’abayobozi bonyine.ahubwo ko ari ishingano y’Abanyarwanda bose.
Uyu muyobozi yabigarutseho mu kiganiro yagiranye n’itangazamakuru tariki ya 3 Mata 2026 cyagarukaga ku bikorwa biteganyijwe byo kwibuka ku nshuro ya 32 Jenoside yakorewe Abatutsi.
Uyu Muyobozi w’akarere ka Rusizi, Phanuel yakomeje yibutsa Abanyarwanda ko muri iki gihe cy’iminsi 100 yo kwibuka bakwiye gukomeza kurinda ubumwe bw’Abanyarwanda nk’isano muzi Abanyarwanda bose basangiye, yanabibukije kandi ko bagomba gutanga amakuru mu gihe habonetse imyitwarire n’imvugo bakemanga bihabanye n’inyigisho y’ubumwe n’ubudaheranwa by’Abanyarwanda.
