Tanzania: Abafungiye ruswa no kunyereza umutungo basabye gufungurwa- Perezida Magufuli

Abanya Tanzania barenga 460 bafungiye ibyaha bya ruswa no kunyereza umutungo w’Igihugu bamaze kwandikira Umushinjacyaha Mukuru basaba ko barekurwa aya mafaranga bakayasubiza mu isanduku ya leta.

Ikinyamakuru The Citizen cyanditse ko Umushinjacyaha Mukuru bwana Biswalo Mganga yamenyesheje Perezida Magufuli ko aba bantu bemera kwishyura arenga miliyari 100 bahamijwe n’urukiko.

Iyi nzira ni igitekerezo cya Perezida Magufuli yahaye umushinjacyaha mukuru amubwira ko abantu bafungiye umutungo bemera kwishyura bakwiye kurekurwa, amafaranga akajyanwa mu bikorwaremezo.

Umukuru w’Igihugu aravuga ko aba bantu bakwiye kwerekana uko bazishyura ibya Leta bangije bakajya mu miryango yabo.

Ibi ngo bizafatwa nk’imbabazi z’Umutegetsi Mukuru mu gihugu ariko ngo zaba ntacyo zimaze abantu bagumye kuborera mu munyururu kandi amafranga bemera kuyishyura.