Abadepite cumi n’umwe baherutse kwifata bakajya muri Somalia nta mutegetsi n’umwe ubizi bateje urunturuntu mu nzego z’imitegekere.
Aba Badepite barifashe kuwa Gatandatu tariki 29 Gashyantare 2020, burira rutema ikirere berekeza muri Somalia, batagira impamuro z’inziza zemewe kandi bagenda nk’abategetsi bahagarariye Igihugu.
Ikinyamakuru The East African cyanditse ko icyateye impungenege ari uko aba Badepite bakiriwe n’umutegetsi mukuru wa Somalia bwana Mohamed Abdullahi Farmaajo.
Igiteye impungenge bamwe mubategetsi ba Kenya ni uko Somalia na Kenya muri iki gihe ibihugu bidacana uwaka.
Hari amakuru avuga ko aba Badepite baba barahuye n’abahagarariye inzego z’ubutasi za Somalia, ariko umwe muri aba arabihakana.
Iki kinyamakuru cyandika ko bageze ku kibuga cy’indege Jomo Kenyatta batawe muri yombi barabazwa ariko baza kurekurwa.
Minisitiri w’Ubutegetsi bw’Igihugu yavuze ko aba Badepite batazakurikiranwa mu nkiko ariko ko biteye kwibaza ukuntu abategetsi bari kurwego rwabo mu gihugu bagisohokamo bakajya kubonana n’abategetsi bahandi leta itabizi.
Aba badepite bavuga ko bari bagiye muri Somalia ku mpamvu z’umutekano muke uri mu karere bashaka kuganira n’abategetso baho, ariko intumwa ya Somalia muri Loni yahakanye aya makuru ivuga ko nta bufatanye na buke ibihugu bifitanye muri iki gihe.
Kenya iravuga ko aba badepite 11 bashobora gukurikiranwaho ubugambanyi ku gihugu cyane ko bagiye mu karere kabamo Alshabab.
