Minisiteri y’ubuzima yatangaje ko kuri uyu wa Gatatu umuntu umwe ari we wagaragaye ko yanduye icyorezo cya Covid-19, abarwaye Bose hamwe ubu ni 41.
Uyu murwayi wagaragaye uyu munsi yaje aturutse i Dubai, kuri ubu akaba yashyizwe mu kato.
Minisiteri y’ubuzima iravuga ko abarwayi bose hamwe bari kuvurirwa ahantu habugenewe, ndetse ko nta n’umwe urembye.
Hanashakishijwe abantu bahuye nabo kugira ngo basuzumwe Kandi bitabweho n’abaganga.
Leta y’u Rwanda iherutse gukaza ingamba zo kwirinda ikwirakwira ry’icyorezo cya Covid-19, zirimo guhagarika ubucuruzi butari ubw’ibanze, ingendo zitari ngombwa ndetse n’izihuza imijyi n’uturere no kuva mu ngo nta mpamvu zifatika nabyo ntibyemewe.
