Kenya: Umuntu wa mbere yakize Coronavirus

Perezida Uhuru Kenyatta mu ijambo yagejeje ku batuye iki gihugu, yavuze ko hari umuntu wakize Coronavirus muri iki gihugu ariko yirinda gutangaza umwirondoro w’uwakize iyi ndwara.

Kenya ubu ifite abantu 28 bamaze kwandura iyi ndwara, harimo batatu bashya batangajwe ejo na Bwana Kenyatta.

Birakekwa ko uwakize iyi ndwara ari mu bantu batangajwe bwa mbere ko bayanduye muri Kenya.

Abahanga mu buvuzi bavuga ko umuntu ufite ibimenyetso bidakabije ashobora gukira iyi virus mu byumweru bibiri.

Umuntu wa mbere yabonywemo iyi ndwara muri Kenya tariki 12 Werurwe 2020 bitangazwa na minisiteri y’ubuzima y’aho tariki 13 Werurwe 2020.