Minisiteri y’Ubuzima yatangaje abandi bantu 5 barwaye icyorezo cya Covid-19, ariko bayandujwe n’abo bahuye na bo bayirwaye mu Rwanda. Ibi byatumye unubare w’abayirwaye bagera kuri 89.
Ni inkuru itandukanye n’uko byari bisanzwe mu yandi matangazo yabanje, aho abarwaye coronavirus babaga barayikuye hanze, cyane Dubai.
Minisiteri y’Ubuzima ivuga ko igikorwa cyo gushakisha abantu bose bahuye na bariya batanu ngo bashyirwe mu kato gikomeje.
Iyi Minisiteri yemeza ko abarwayi bamaze igihe mu kato n’abanduye bitabwaho nta n’umwe urembye.
Mu Karere u Rwanda rurimo ruri ku mwanya wa gatatu mu kugira abarwayi benshi, DR.Congo ifite abagera ku 134 banduye Covid-19, Kenya ifite 122, Uganda bagera kuri 45, Tanzania ni 20 n’u Burundi bufite batatu.
