Coronavirus: Mu Rwanda hagaragaye abarwayi bashya 6 n’abayikize 7

Minisiteri y’Ubuzima (Minisante) yatangaje ko mu bipimo 1160 byafashwe mu masaha 24, byagaragaje abarwayi bashya ba Coronavirus 6.

Aba barwayi bashya uko ari 6 batahuwe ko bahuye n’abandi barwaye Coronavirus mu Rwanda

Kuri iki Cyumweru kandi Minisante ivuga ko abantu barindwi bakize iki Cyorezo.

Ibi byatumye umubare w’abayanduye ugera 126 harimo 25 bayikize.

Kaminuza ya Johns Hopkins yatangaje ko abamaze kwandura iki Cyorezo ku Isi barenga miliyoni 1.8, mu gihe abapfuye ari 113,312 naho abamaze kuyikira ni 421,515.