Ikibazo cy’umutekano muke gikomeje kuba isobe mu ntara ya Kivu y’Amajyaruguru. Radio Okapi ivuga ko abantu 6 bishwe n’abarwanyi ba ADF mu mujyi wa Beni mu ntara ya Kivu y’Amajyaruguru ahitwa Mutido.
Abategetsi muri aka gace bavuze ko aba barwanyi bishe abagabo 4 n’abagore babiri, ariko kandi ngo umwe mu nyeshyamba za ADF nawe yahasize ubuzima.
Muri ka gace ka Mutido abategetsi baho bavuze ko abaturage hafi ya bose bamaze kuhava bajya aho batekereza ko haba hari umutekano.
Umwe mubavuganye na Radio Okapi yavuze ko ubu abaturage bafite icyoba cyane, kuburyo ngo bigoye kugira uwo ubona atahunze kubera ubugome abishwe bicanwe.
