Inama y’Abepiskopi Gaturika yasabye abayoboke b’iri dini kuba maso bakirinda icyorezo cya Covid-19 bakurikiza amabwiriza yose atangwa n’inzego z’ubuzima.
Ikinyamakuru the citizen cyanditse ko iyi nama Tanzania Episcopal Conference yavuze ko kuva mu Kuboza kugera muri Gashyantare uyu mwaka, Abapadili 25 bamaze gupfa n’Ababikira 60.
Kiliziya Gatulika nubwo iterura ngo ivuge ko aba bantu bose bapfuye mu mezi 2 bishwe na covid-19, irasa n’ibicamo amarenga kuko ivuga ko abayoboke babo bakwiye gukaza ingamba zo kwirinda iki cyorezo bubahiriza amabwiriza ya ministeri y’ubuzima.
Kimwe n’izindi mfu zidasobanutse zimaze iminsi zimonogoza muri Tanzania kiliziya gaturika iravuga ko aba bantu babo bapfuye bazize indwara zababuzaga guhumeka.
Aba abihaye Imana muri iki gihugu baravuga ko bashyizeho uburyo abatanga amasakaramentu atandukanye babikora kandi birinda iki cyorezo cya Covid-19.
Tanzania inengwa ko ihisha amakuru ya covid-19 ndetse perezida Magufuli ashyirwa mu majwi ko yaba atiza umurindi iki cyorezo kuko yakunze kunenga urukingo rwa coronavirus.
Nk’ubu ibihugu byo muri aka karere byatangiye kwakira urukingo rw’iki cyorezo ariko Tanzania yavuzeko ntarwo ikeneye.
