Notice: Function _load_textdomain_just_in_time was called incorrectly. Translation loading for the colormag domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/flashrw/public_html/wp-includes/functions.php on line 6121
Covid-19: Leta y’u Rwanda igiye gutanga urukingo rwa 4 - FLASH RADIO&TV

Covid-19: Leta y’u Rwanda igiye gutanga urukingo rwa 4

U Rwanda rwatangaje ko guhera tariki 8 Kanama 2022, hazatangira gahunda yo gutanga dose ya 2 ishimangira y’urukingo rwa Covid-19 ku bantu barengeje imyaka 60 y’amavuko.

Umunyamabanga wa Leta muri Minisiteri y’ubuzimana, Dr Mpunga Tharcisse, yatangaje ko iyi doze izatangira gutangwa kuri site zose z’ikingira, hibandwa ku bakuze bari hejuru y’imyaka 60 n’abandi bafite intege nke z’umubiri.

Dr Mpunga avuga ko abahawe urukingo rwa gatatu rwiswe ko ari urwo gushimangira, ubu bazahabwa urwa kane twiswe urwo gutsindagira.

Ati: “ Virusi ihari ubu igenda yihinduranya, ihindura uburyo bwo gukwepa ubudahangarwa. Iyo ikaba ari yo mpamvu tugenda dukingira abantu, kugira ngo tubongerere ubudahangarwa.”

Agaruka ku mpungenge z’uko abantu bashobora kuzafata dose ya 5 n’iya 6, Dr Mpunga avuga ko hari ubushakashatsi buri gukorwa mu bigo bikora inkingo, bugamije kuzakora urukingo ruzakomatanya uburyo bwo guhangamura ubwandu bwa COVID-19 buhora bwihinduranya.

Ati “Ubusanzwe urebye uko byari bimeze iki gihe, niko byagombye kuzagenda, kubera ko urukingo ruriho ubu rwakozwe hashingiwe ku turemangingo twa virusi yatangiye bwa mbere yo mu Bushinwa, ariko uko igenda ihindagurika igenda ihindura protein zayo zituma  ishobora gukwepa ubudahangarwa ariyo mpamvu tugenda dutanga inking zigenda zibyutsa ubudahangarwa bw’umubiri.”

Yongeyeho ko “Ariko ubushakashatsi buri gukorwa ubu mu bigo bikora izi nkingo, mfite ikizere ko mu minsi iri imbere mu mezi macye cyane hazasohoka urundi rukingo rushyashyaruzaba rukomatanya izo zose zagiye zivuka, tukaba dufite ikizere ko ruzatanga amahirwe y’uko abantu bazakingirwa igihe kirekire batarinze gufata urukingo rwa buri mezi ane cyangwa Atandatu.”

Imibare ya Minisiteri y’Ubuzima igaragaza ko abantu bamaze guhabwa inkingo ebyiri za COVID-19 mu Rwanda ari 8.870.113 (97.9%), mu gihe abahawe n’urundi rukingo rumwe rushimangira ari 5.269.254 (58.1%).