Ishami ry’umuryango w’abibumbye ryita ku buzimaOMS ryashishikarije ibihugu kutaba bihagaritse gukingira, mu gihe ibihugu byinshi bikomeye byo mu muryango w’Ubumwe bw’Uburayi (EU/UE) byabaye bihagaritse ikoreshwa ry’urukingo rwa Oxford-AstraZeneca.
OMS yavuze ko nta gihamya ihari igaragaza isano hagati y’urwo rukingo no kuvura kw’amaraso.
Ubudage, Ubufaransa, Ubutaliyani na Espagne byifatanyije n’ibihugu bito byo muri EU mu kuba bihagaritse ikoreshwa ry’urwo rukingo nk’uburyo bwo kwigengesera, mu gihe harimo gukorwa amagenzura kuri urwo rukingo.
Inzobere za OMS zo kugenzura umutekano w’inkingo zirahura kuri uyu wa kabiri ziga kuri uru rukingo.
Abantu hafi miliyoni 17 bo muri bihugu byo muri EU no mu Bwongereza bahawe doze y’uru rukingo, abatageze kuri 40 ni bo bagize ikibazo cyo kwipfundika kw’amaraso kugeza mu cyumweru gishize, nkuko uruganda rukora imiti rwa AstraZeneca rwabivuze.
