Venezuela:Uwungirije Juan Guaido yatawe muri yombi

Urwego rw’Ubutasi rw’igihugu cya Venezuela rwataye muri yombi uwungirije Juan Guaido wigumuye ku butegetsi bwa Perezida Nicolas Maduro.
Edgar Zambrano yatawe muri yombi n’ubutasi akaba ari we wa mbere ufashwe mu bayobozi bigumuranye na Guaido.

Ubutasi bwazanye imodoka nini buterura iya Edgar ayirimo kuri uyu wa gatatu.
Leta Zunze Ubumwe z’Amerika yahise yamagana icyo gikorwa, ivuga ko natarekurwa biza kugira ingaruka zikomeye.
Uyu mugabo watawe muri yombi asanzwe ari intumwa ya rubanda.
Arazira kuba yarateye inkunga igikorwa cyo gushaka guhirika ubutegetsi, bikozwe na Juan Guaido.
Bwana Guaido, akoresheje urubuga rwe rwa Twitter yahise yamagana iki gikorwa yise ‘Ubushimusi’.
yavuze ko ubutegetsi bugerageza gusenya ingufu zihagarariye abanya-Venezuela bose, ko bitazagerwaho.

Mu bihe bitandukanye, urukiko rw’ikirenga rwahamagaje abadepite babiri ngo batange ibisobanuro ku birego byo gutera Guaido ingabo mu bitugu. Amazina y’izo ntumwa za rubanda zatawe muri yombi ni Freddy Superlano, Sergio Vergara na Juan Andres Mejia.

Muri rusange abamaze guhamagazwa n’urukiko rw’ikirenga ni icumi.

Leave a Reply