Abatsinze ibitego byinshi muri ‘Premier League’, aribo Sadio Mane, Mohamed Salah na Pierre-Emirick Aubameyang bose banganyije ibitego batsinze. Uko ari batatu basoje iri rushanwa n’ibitego 22.
Aba barutahizamu bo muri ‘Premier League’, nka shampiyona y’umupira w’amaguru y’ikiciro cya mbere mu gihugu cy’Ubwongereza, bose baranganya ibitego. Abenshi baribaza uwegukanye urukweto rwa zahabu, ruhembwa uwatsinze ibitego byinshi.
Bitandukanye no mu gikombe cy’isi cy’ibihugu, aho uru rukweto rwa zahabu ruhabwa uwarushije abandi gutanga imipira ivamo ibitego iyo basanze ibitego bingana, muri ‘Premier League’ bahemba abanganya ibitego bose.
Byigeze kuba, ubwo Chris Sutton, Michael Owen na Dion Dublin basaranganyijwe iki gihembo mu mwaka w’imikino 1997/1998 byongera mu 1999, ubwo Jimmy Floyd-Hasselbaink, Michael Owen na Dwight York basozaga umwaka w’imikino banganya ibitego.
Byaherukaga kuba mu mwaka w’imikino 2010/2011, Dimitar Bervatov na Carlos Tevez wakiniraga Manchester City basoza banganya ibitego 20.
Uyu mwaka na bwo habonetse abakinnyi batatu banganya. Salah, Mane na Aubamenyang bose batsinze ibitego 22, bivuze ko bazasaranganywa iki gihembo.
Sergio Aguero yarushijwe igitego kimwe, asoza n’ibitego 21 hanyuma Salah yegukana igihembo cye cya kabiri gikurikirana n’ubwo uyu mwaka atatsinze nk’uko yatsinze mu mwaka wari wabanje.
Aguero yatsinze igitego kimwe muri bine batsinze ku mukino wa nyuma, mu gihe Salaha ntacyo yatsinze, Mane na Aubameyanga bagatsinda bibiri.
N’ubwo ariko atwaye urukweto rwa zahabu, Aguero yatwaye igikombe cya Premier League ku mwaka wa kabiri wikurikirana, kiba icya kane kuri we muri rusange.
