Itangazamakuru ry’Igihugu ryavuze ko Morsi, watowe bwa mbere mu matora anyuze mu mucyo aha ijambo n’abatavuga rumwe n’ubutegetsi, yikubise hasi mu rukiko ahita apfa.
Televiziyo y’igihugu mu Misiri, imaze gutanga ko ko Muhamed Morsi yikubise hasi imbere y’urukiko, agahita yitaba imana.
Umwe mu bitabiriye uru rubanza yavuze ko yikubise hasi amaze nk’iminota 20 avugira imbere y’urukiko.
Ati “Yavugiye imbere y’umucamanza iminota 20 hanyuma atangira kubura ubwenge, yikubita hasi. Yahise yihutishwa kwa muganga, aho nyuma yaje gupfira.”
Morsi wari ufite imyaka 67, yabaye Umukuru w’igihugu cya Misiri mu matora yisanzuye mu 2012, nyuma y’aho inkubiri y’imyigaragambyo y’abarabu ikuyeho ubutegetsi bw’imyaka 30 bwa Perezida Hosni Mubarak. Na we waje gukurwaho bw’igitaraganya n’ingufu za gisirikare mu kwa Karindwi mu 2013, nyuma y’imyigaragambyo y’abantu benshi.
Yayoboye umwaka umwe gusa, kuri manda y’imyaka 4 yari yemerewe.
Urukiko mpanabyaha rwo mu murwa mukuru Cairo rwahise rwimurira urubanza Morsi yaregwanwagamo n’abandi bantu 23 gufatanya n’umutwe wa Hamas, ku munsi w’ejo ku wa kabiri.
Muri Nzeri 2016, urukiko rwakuyeho igihano cy’urupfu Mohamed Morsi yari yarakatiwe, rutegeka ko urubanza rusubirwamo.
