Icyoba ni cyose mu ntara ya Kisumu aho bikekwa ko icyorezo cya Kolera cyaba kigiye kugarika ingogo niba ntacyo ubutegetsi bukoze.
Iki cyorezo cya kolela ngo kiraterwa no kuba abakora mu nzego z’ubuzima badaheruka agashahara none barigaragambije banga akazi.
Ikinyamakuru The East African cyanditse ko abategetsi bavuze ko mu cyumweru kimwe hagaragaye Kolela, umuntu umwe yitabye Imana ariko ngo hari icyoba ko umubare w’abapfa waba mwinshi kuko iyi myigaragambyo itararangira.
The East African yanditse ko abaturage baturiye umugezi wa Awach baburiwe kwitwararika, ntibakoreshe amazi yawo kuko ashobora kuba ari mabi cyane ku buryo yatera iyi ndwara.
Uretse uyu muntu wazize Kolera ariko kandi iki kinyamakuru cyanditseko hari abandi bantu 4 bapfuye bazira kubura ubutabazi kwa muganga kubera iyi myigaragambyo mu ntara ya Kisumu.
