RDC: Umwanzi wa mbere w’abatuye i Beni ni ADF- Gen. Kasonga

Umuvugizi w’igisirikare cya Congo
Kinshasa General Leon Kasonga yabwiye abaturage b’i Beni mu Ntara ya Kivu
y’Amajyaruguru ko umwanzi wabo atari ingabo za Leta n’igipolisi cyangwa se MONUSCO,
ahubwo ni umutwe w’inyeshyamba za ADF zikomoka muri Uganda.

Radio
Okapi yavuze ko mu kiganiro n’abanyamakuru Gen. Kasonga yavuze ko ubu hashyizweho
umurongo utishyurwa wa telefone igendanwa abaturage bazajya bahamagaraho ingabo
za Leta FARDC igihe babonye Inyeshyamba za ADF Naru.

Hagati
aho abarwanashyaka b’umutwe wa politiki UDPS bavuze ko aho ibintu bigeze Akarere
ka Beni gakeneye by’umwihariko ko abaturage bahaguruka bagafatanya
n’igisirikare cya Leta FARDC mukubacungira umutekano.

Igisirikare
cy’Igihugu kiravuga ko kimaze kwica inyeshyamba zibarirwa muri 80 nyamara
abaturage bamaze kwicwa bararenga 100.