Urukiko rw’ubujurire rwatangiye kumva bwana Vital Kamerhe wahoze ari umuyobozi w’ibiro bya Perezida wahamijwe ibyaha bya ruswa agakatirwa gufungwa imyaka 20.
Radio Okapi ivuga ko iburanisha ryo kuwa Gatanu ritamaze igihe kuko rwavuze ko hari ibyo rutari rwiteguye neza.
Iki gitangazamakuru cya Loni cyavuze ko bwana Kamerhe yashimangiye ko akwiye gufungurwa akaburana ari hanze.
Abanyamategeko bamwunganira bavuga ko umukiriya wabo akwiye gufungurwa cyane ko turi mu bihe bya coronavirus abantu bari muri gereza bafite ibyago byo kwandura kurenza abandi.
Uru rubanza rwashyizwe mu kwezi gutaha kwa munani.
