Notice: Function _load_textdomain_just_in_time was called incorrectly. Translation loading for the colormag domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/flashrw/public_html/wp-includes/functions.php on line 6121
Abagande 75 bari baraheze mu Rwanda kubera Covid-19 batashye - FLASH RADIO&TV

Abagande 75 bari baraheze mu Rwanda kubera Covid-19 batashye

Ambasade ya Uganda mu Rwanda yatangaje ko kuri uyu wa Gatandatu tariki 19 Nzeri 2020, icyiciro cya kabiri cy’abaturage b’Abagande 75 bari baraheze mu Rwanda kubera icyorezo cya Covid-19 batashye mu gihugu cyabo.

Aba baje bakurikira abandi 100 batashye mu cyiciro cya mbere, ku wa Kabiri tariki 15 Nzeri 2020, hakaba hasigaye ikindi kiciro kimwe.

Nk’uko bigaragara ku rubuga rwa Twitter rwa Ambasade ya Uganda mu Rwanda, hariho amafoto ndetse namashusho y’abo baturage b’Abagande ndetse n’abakozi ba Ambasade, baganirizwa ndetse banabasezeraho.

Ubwo hatahaga icyiciro cya mbere, Ambasade yari yavuze ko mu Rwanda hari haraheze Abagande barenga 350, kubera ingamba zo gufungwa kw’imipaka mu rwego rwo gukumira ikwirakwira ry’icyorezo cya Covid-19.

Nk’uko byagenze ku cyiciro cya mbere kandi, abatashye none na bo batwawe n’imodoka za kompanyi ya Volcano, zikaza kubageza i Kampala, zinyuze ku mupaka wa Gatuna/Katuna.

Biteganyijwe ko bakigera mu gihugu cyabo, babanza gushyirwa mu kato nk’uko amabwiriza ya Minisiteri y’Ubuzima muri icyo gihugu abitaganya.