U Rwanda rwakiriye inkingo za Coronavirus ibihumbi 240 zo mu bwoko bwa AstraZeneca zatanzwe muri gahunda ya Covax igamije kuzikwirakwiza mu bihugu bikennye.
Indege itwaye izi nkingo yageze mu Rwanda mu gitondo cup kuri uyu wa Gatatu tariki 3 Werurwe 2021 zakirwa n’abayobozi batandukanye barimo Minisitiri w’ubuzima.
Ku mugoroba biteganyijwe ko haza izindi nkingo zisaga 102.960 zo mu bwoko bwa Pfizer-BioNTech.
Minisiteri y’Ubuzima ivuga ko ku ikubitiro hazakingirwa abantu 171.480 barimo abakozi bo kwa muganga, abarengeje imyaka 65 y’amavuko, abasanganywe izindi ndwara n’abandi bari ku ruhembe rwo guhangana n’icyorezo cya Covid-19.
Muri iyo gahunda ya covax, mu ijoro ryacyeye, Kenya yakiriye doze miliyoni 1.02 z’uru rukingo rwa AstraZeneca, na Repubilika Uharanira Demokarasi ya congo yakira doze miliyoni 1.7 z’urwo rukingo.
Izi nkingo za AstraZeneca zakiriwe na Minisitiri w’ubuzima Daniel NGAMIJE
Ku mugoroba hategerejwe izindi zo mu bwoko bwa Pfizer
Ubwo Inkingo zisaga ibihumbi 240 zagezwaga ku Kibuga Mpuzamahanga cya Kigali
