Ihuriro ry’abashyigikiye umunyapolitiki Martin Fayulu rizwi nka LAMUKA ryatangaje ko kuwa Gatandatu 24 Mata 2021, hazaba imyigaragambyo y’amahoro mu gihugu cyose hagamijwe gutabariza uburasirazuba bwa Congo no kwifatanya nabo mu bihe bikomeye by’umutekano muke.
Ikinyamakuru l’Actualite cyanditse ko iri huriro ryatangaje ko iyi myigaragambyo izaba igamije kwereka ubutegetsi buriho ko ubu amazi yarenze inkombe, amaraso yamenetse mu Burasirazuba bwa Congo ahagije ngo hagire igikorwa.
Imibare itangazwa irerekana ko umujyi wa Benin na Butembo honyine mu myaka 6 hamaze gupfa abasivili barenga ibihumbi 10 bishwe n’imitwe yitwaje intwaro.
Radio Okapi yatangaje ko ku cyumweru abagore bo muri sosiyete sivili mu ntara Nord Kivu barimo n’abanyeshuri bandikiye umukuru w’igihugu basaba ko ubwicanyi bwo muri iyi ntara bwahagarikwa umutekano ukagaruka.
Aha kandi hamaze iminsi humvikana imyigaragambyo inasaba ko ingabo za MONUSCO zava muri Repubulika Iaharanira Demokarasi ya Congo.
