Umuherwe wa mbere ukize cyane ku isi, Elon Musk, yamaze kugura kompanyi y’urubuga nkoranyambaga rwa Twitter kuri miliyari 44 z’amadolari y’Amerika, nk’uko bivugwa n’ibitangazamakuru byo muri Leta zunze Ubumwe za Amerika.
Yanditse kuri Twitter ko “inyoni irarekuwe”, mu gisa nko kuvuga ko amasezerano y’ubugure yasojwe.
Abayobozi bamwe bo ku rwego rwo hejuru muri Twitter, barimo n’umukuru w’iyi kompanyi Parag Agrawal, amakuru avuga ko birukanwe.
Ibi bisoje ikibazo cyari cyaratumye Twitter ijya mu rukiko, ishaka ko uyu muherwe utunze za miliyari z’amadolari akurikiza amasezerano y’ubugure yari yagerageje kwikuramo.
Musk, uvuga ko aharanira gutanga ibitekerezo byose uko byakabaye nta gikuweho, yagiye anenga uburyo bwa Twitter bwo guconshora cyangwa gukora ubugororangingo bw’ibitekerezo.
Elon Musk akimara kugura Twitter yahise yirukana batatu barimo Parag Agrawal wari umuyobozi mukuru (CEO), Ned Segal wari ushinzwe imari (CFO) na Vijaya Gadde wari ushinzwe ibijyanye n’amategeko.
