Perezida Paul Kagame na Madamu Jeannette bafunguye ku mugaragaro icyanya cyahariwe siporo cyiswe ‘Kimironko Sports and Community Space’ kuri uyu wa Gatandatu tariki 27 Gicurasi 2023.
Ni icyanya cyubatswemo ibibuga by’imikino itandukanye giherereye mu Murenge wa Kimironko mu Karere ka Gasabo.
Ku ikubitiro Perezida Kagame akaba yafunguye ikibuga cya Basketball kigezweho cyubatswe ku bufatanye bw’umuryango Imbuto Foundation, Basketball Africa League (BAL) ndetse n’abandi bafatanyabikorwa.
