Perezida Paul Kagame, yitabiriye umuhango w’irahira rya Perezida mushya w’igihugu cya Nigeria, Bola Ahmed Tinubu, uba kuri uyu wa Mbere tariki 29 Gicurasi 2023.
Perezida Kagame yageze muri iki gihugu kuri iki cyumweru tariki 28 Gicurasi 2023.
Bola Tinubu w’imyaka 70 y’amavuko, yagiye ku butegetsi asimbuye Mohammadu Buhari, wari umaze imyaka 10 ayoboye iki gihugu cya Nigeria.
Umuhango w’irahira rya Tinubu biteganijwe ko uritabirwa n’abandi bakuru b’ibihugu na za guverinoma zitandukanye ku isi.
Mu matora yabaye tariki 25 Gashyantare 2023, Bola Tinubu, wo mu ishyaka riri ku butegetsi, yagize amajwi 36%, akurikirwa na Atiku Abubakar wo mu ishyaka ritavuga rumwe n’ubutegetsi, we yagize amajwi 29%.
Ni mu gihe ku mwanya wa 3 haje Peter Obi, wo mu ishyaka ry’abakozi wagize amajwi 25 %.
