Perezida Paul Kagame ari kumwe n’abandi bakuru b’ibihugu n’abayobozi batandukanye, bitabiriye umuhango w’irahira rya Perezida Bola Ahmed Tinubu watorewe kuyobora Nigeria kuri uyu wa Mbere tariki 29 Gicurasi 2023.
Bola Tinubu w’imyaka 70 y’amavuko, yagiye ku butegetsi asimbuye Mohammadu Buhari, wari umaze imyaka 10 ayoboye iki gihugu cya Nigeria.
Mu matora yabaye tariki 25 Gashyantare 2023, Bola Tinubu, wo mu ishyaka riri ku butegetsi, yagize amajwi 36%, akurikirwa na Atiku Abubakar wo mu ishyaka ritavuga rumwe n’ubutegetsi, we yagize amajwi 29%.
Ni mu gihe ku mwanya wa 3 haje Peter Obi, wo mu ishyaka ry’abakozi wagize amajwi 25 %.
