Abategetsi bavuze ko bagiye kwandikira akanama ka Loni gashinzwe umutekano gushyira umutwe wa Al-Shabaab ukorera muri Somalia, ku rutonde rw’imitwe y’iterabwoba isanzwe izwi ku isi.
Ikinyamakuru ‘The East African’ cyanditse ko Ministiri w’Ububanyi n’Amahanga wa Kenya bwana Macharia Kamau yavuze ko iki gihugu kizandikira Loni gikurikije umwanzuro 1267 wo mu 1999, uteganya ko imitwe nk’Aba-Taliban, Al quaeda, ‘Islamic State’ n’amazina nka Osama bin Laden, mubakora iterabwoba bazwi ku isi.
Uyu mutwe wa Al-Shabaab ukorera muri Somalia ukunze kwibasira Kenya, muri 2010 wavuzeko ukorana bya hafi na Al-Quaeda ndetse muri iki gihe uvuga ko ukorana n’umutwe wiyita leta ya kislam.
Ibi ngo biri mu bituma Kenya ishaka ko isi yose ihagurukira uyu mutwe, wamara kujya ku rutonde rw’iterabwoba ukarwanywa kimwe n’indi.
