Icyegeranyo ku mpanuka y’indege ya Ethiopian Airlines cyagaragaje ko abapilote ‘bakurikije ibiteganywa’

Iki cyegeranyo cya mbere ku cyateye impanuka y’indege yo mu bwoko bwa Boeing ya kompanyi Ethiopian Airlines yakoze impanuka ku itariki  10 z’ukwezi gushize kwa gatatu, kivuga ko abapilote bayo “bakomeje” gukurikiza amabwiriza ateganywa na sosiyete Boeing yakoze iyo ndege.

Dagimawiti Mogas, Minisitiri wo Gutwara Abantu n’Ibintu wa Ethiopia, yavuze ko n’ubwo bwose abo bapilote bakurikije ibyo bisabwa “bitabashobocyeye ko bayobora indege muburyo bwiza.”

Iyo ndege yavaga mu murwa mukuru Addis-Abeba wa Ethiopia yerekeza i Nairobi mu murwa mukuru wa Kenya, yakoze impanuka imaze iminota itandatu ihagurutse. Abantu 157 bose bari bayirimo bahasiga ubuzima.

Mu kwezi kwa cumi k’umwaka ushize wa 2018, indege yo muri ubu bwoko ya kompanyi Lion Air yo muri Indonesiya yakoreye impanuka mu nyanja, abantu 189 bose bari bayirimo bahasiga ubuzima.

Leave a Reply