Perezida wa Leta Zunze Ubumwe za Amerika, Donald Trump, avuga ko igisirikare cy’ kirwanira mu mazi cyarashe indege ya Irani mu kigobe cya Hormuz (Strait of Hormuz).
Trump avuga ko ubwato bw’intambara, USS Boxer “bwakoze igitero mu rwego rwo kwirwanaho” ku wa kane nyuma y’aho iyo drone yari igeze hafi ku metero 914 yabwo.
Irani ivuga ko ata makuru ifite ko hari drone yarashwe.
Mu ijambo yatangarije kuri White House, Trump yavuze ati: “Ndashaka kumenyesha abantu bose ko hari igitero cyabaye uyu munsi mu Kigobe cya Hormuz cyakozwe n’ubwato bw’intambara, USS Boxer.”
“Ubwo bwato bwakoze icyo gitero bwirwanaho kubera ko drone ya Irani yari yegereye cyane ubwato, hafi muri metero 914, ikanirengagiza amabwiriza yose yahawe yo gusubira inyuma, kandi yari inateje ikibazo ku mutekano w’ubwato n’ababurimo. Indege yahise ishwanyuzwa.”
Trump yavuze ko iki ari ikindi gikorwa cy’ubushotorani Irani yongeye gukorera ubwato bw’Amerika buri mu mazi mpuzamahanga, kandi igihugu cye gifite uburenganzira bwo kurinda abantu n’ibintu byayo.”
Iyi ndege itagira umupilote imanuwe nta masaha menshi aciyeho Irani ivuze ko yafashe ubwato bw’amavuta n’abakozi 12 babwo, kubera banyujije amavuta mu kigobe.
