Ibihugu birimo Ghana na Gabon byemeje byagezwemo n’icyorezo cya Coronavirus gikomeje gukwirakwira hirya no hino ku Isi.
Leta ya Ghana yatangaje ko bwa mbere habonetse abantu babiri bafite iyi ndwara.
Minisitiri w’ubuzima wa Ghana Kwaku Agyemang Manu, yavuze ko aba bantu bayisanzemo umwe yari avuye muri Norway undi avuye muri Turkiya.
leta ya Gabon nayo yemeza ko habonetse umuntu wa mbere uyifite, akaba ari umuturage w’iki gihugu wavuye mu Bufaransa.
Kuwa Gatatu tariki ya 11 Werurwe 2020, iyi virus yari itatangazwa muri Ghana ariko Perezida w’iki gihugu Nana Akufo-Addo yatangaje ko leta igiye kurekura miliyoni $100 mu kwitegura no kurwanya iyi virus mu gihugu.
Muri Senegal, ministeri y’ubuzima yaho yatangaje ko habonetse abarwayi bashya batanu bafite iyi virus, bityo kuva tariki 02 z’uku kwezi abamaze kuyibonekaho ari 10, babiri bayikize 8 bari kuvurwa.
Ibi bihugu bishya indwara ya coronavirus yagezemo byatumye ubu iyi virus imaze kugera mu bihugu 13 bya Afurika.
