Notice: Function _load_textdomain_just_in_time was called incorrectly. Translation loading for the colormag domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/flashrw/public_html/wp-includes/functions.php on line 6121
Uganda:Minisitiri yarashwe ararusimbuka, umukobwa we arapfa - FLASH RADIO&TV

Uganda:Minisitiri yarashwe ararusimbuka, umukobwa we arapfa

General Katumba Wamala, wahoze ari umugaba w’ingabo za Uganda ubu akaba ari Minisitiri w’imirimo n’ubwikorezi, yarashwe n’abitwaje intwaro arakomereka hafi y’iwe mu murwa mukuru Kampala, mu gitondo kuri uyu kabiri tariki 1 Kamena 2021.

Ababibonye bavuga ko abamurashe bari kuri moto, nk’uko umunyamakuru wa BBC i Kampala abivuga.

Umuvugizi w’ingabo Brigadier Flavia Byekwaso yabwiye ibiro ntaramakuru Reuters ko Gen Wamala yajyanywe ku bitaro, mu gihe umushoferi we yahise apfa.

Televiziyo ya NBS TV ivuga ko umukobwa wa Gen Wamala, bari kumwe mu modoka nawe yapfuye.

Mu myaka ishize, ibikorwa nk’ibi byo kurasa abantu bikozwe n’abari kuri moto byariyongereye muri Uganda.

Mu 2018, Ibrahim Abiriga, umunyapolitiki wari uzwiho gushyigikira cyane Perezida Yoweri Museveni, yarasiwe hafi y’iwe arapfa.

Felix Andrew Kaweesi wari ukuriye ibikorwa bya Polisi nawe yishwe mu buryo nk’ubu mu 2017.

Umucamanza n’abakuru mu idini ya Islam benshi nabo barishwe mu buryo nk’ubu mu gihe gishize.