Notice: Function _load_textdomain_just_in_time was called incorrectly. Translation loading for the colormag domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/flashrw/public_html/wp-includes/functions.php on line 6121
Uganda: Amashuri n’ibindi bikorwa by’ubucuruzi bizafungura mu ntangiriro za 2022 - FLASH RADIO&TV

Uganda: Amashuri n’ibindi bikorwa by’ubucuruzi bizafungura mu ntangiriro za 2022

Perezida wa Uganda Yoweri Kaguta Museveni yatangaje ko amashri ndetse n’ibindi bikorwa by’ubucuruzi byari byarafunze kubera covid-19 bizafungurwa muri Mutarama umwaka wa 2022, asaba abanya-uganda kwitabira ibikorwa byo kwingiza iki cyorezo.

Perezida Museveni yabigarutseho mu ijambo yagejeje ku baturage kuri uyu wa kane tariki 28 Ukwakira 2021.

Perezida Museveni yavuze ko mu mpera z’Ukuboza uyu mwaka wa 2021, Guverinoma ya Uganda izakira dose zigera kuri miliyoni 23 z’inkingo za Covid-19.

Daily Monitor yanditse ko izi  nkingo zizakingira abaturage basaga miliyoni 12, muri bo abagera kuri miliyoni 4.8 ni abakora mu nzego z’ubuzima, abari mu myaka y’izabukuru ndetse n’abakora mu tubari.

Ibyo ngo nibirangira, nibwo amashuri n’ibindi bikorwa byose bizafungura muri Mutarama umwaka wa 2022, kandi ko kwirinda Covid-19 ari inshingano za buri muturage, nihagira ikitagenda neza ngo buri wese azabyirengera.  

Perezida Museveni  yamaganye amakuru yavugaga ko abanya-Uganda banze kwikingiza covid-19, avuga ko ahubwo batabibwiwe. Aha yanaboneyeho gutangaza ko inkingo za Covid-19 ubu ziboneka ku bigenderabuzima.

Yasabye abayobozi mu nzego zitandukanye  gukangurira abaturage ibyiza byo gukingirwa.  

Kugeza ubu abagera ku 125,920 bamaze kwandura covid-19, mu gihe abasaga 3,209 imaze kubahitana naho abamaze kuyikira ni 96,597