Itsinda ry’abacanshuro 28 b’abanyamahanga, ririmo n’abahoze ari abasirikare ba Colombia, ni ryo ryishe Perezida wa Haïti Jovenel Moïse ku wa Gatatu tariki 7 Nyakanga 2021, nk’uko polisi ibivuga.
Benshi muri bo bafunzwe nyuma y’imirwano mu nzu yo mu murwa mukuru Port-au-Prince aho bari bakubakubiwe.
Kuri uyu wa kane tariki 8 Nyakanga 2021, bamwe mu bacyekwaho kwica Perezida, bari bariho amaraso abandi basenutse ku mubiri, beretswe abanyamakuru, hamwe n’intwaro bafatanywe.
Umukuru wa polisi Léon Charles yavuze ko abandi umunani bacyekwa muri ubwo bwicanyi bagishakishwa naho abandi batatu bishwe barashwe n’abapolisi.
Polisi ivuga ko igishakisha abacuze umugambi w’icyo gitero ku rugo rwa Perezida.
