Minisiteri y’Ubutegetsi bw’Igihugu yashyize Akarere ka Rubavu muri guma mu karere mu rwego rwo kwirinda ikwirakwira ry’icyorezo cya Covid-19.
Mu itangazo ryashyizwe hanze n’iyi Minisiteri rigaragaza ko iki cyemezo gifashwe kugira ngo inzego zibishinzwe zifatanyije n’abaturage zishobore gukurikirana neza no kugenzura icyorezo cya Covid-19 gikomeje kwiyongera.
Mu zindi ngamba zafatiwe akarere ka Rubavu, zirimo ko ingendo zibujijwe guhera saa moya z’ijoro (7h00 AM) kugeza saa kumi za mu gitondo (4h00 AM).
Ni icyemezo kizatangira gukurikizwa kuva tariki 17 Kamena 2021.
Iyi saha ya saa Moya izanakurikizwa mu turere twa Rutsiro no muri Gicumbi mu Mirenge ya Rubaya, Cyumba na Kaniga.
Mu karere ka Burera ni mu mirenge ya Cyanika, Kagogo, Kinyababa, Butaro, Kivuye na Bungwe.
Abatuye mu Mirenge ya Matimba, Musheri, Rwempasha, Tabagwe, Karama na Kiyombe mu karere ka Nyagatare nabo ingendo zirabujijwe guhera saa moya z’ijoro (7h00 AM) kugeza saa kumi za mu gitondo (4h00 AM), kuva tariki 17 Kamena 2021.
