Minisitiri y’Ubuzima (MINISANTE) yatangaje ko abana bafite imyaka 12 kuzamura bazatangira gukingirwa icyorezo cya Covid-19, guhera kuri uyu wa Kabiri tariki 23 Ugushyingo 2021.
Umunyamabanga wa leta muri Minisiteri y’Ubuzima Dr Mpunga Tharcisse yabwiye itangazamakuru rya Leta ko iki gikorwa kizajya kibera mu mashuri, kikazatangirira mu mujyi wa Kigali.
Guverinoma y’u Rwanda igaragaza ko kugeza ubu abarenga 50% by’abaturage bafite imyaka 18 kuzamura bamaze kubona doze imwe y’urukingo rwa Covid-19.
Intego ni ugukingira 60% mu buryo bwuzuye mu mwaka wa 2022.
Abasaga miliyoni eshanu bamaze guhabwa urukingo rwa mbere naho abakabakaba miliyoni eshatu bahawe ebyiri.
