Minisiteri y’Ubuzima yahagaritse gupima umuriro hirindwa Covid-19

Minisiteri y’Ubuzima yasabye inzego zinyuranye guhagarika ibikorwa byo gupima umuriro mu rwego rwo kwirinda Covid-19.

Minisante  yavuze ko ubu buryo butagifatwa nk’imwe mu ngamba zo kwirinda ikwirakwizwa rya Covid-19.

Mu itangazo Minisiteri y’ubuzima yashyize ahagaragara, yasabye abahagarariye ibigo bya leta n’ibyigenga , abategura gahunda zihuriza abantu benshi hamwe, guhagarika ibikorwa byo gupimira umuriro aho abantu binjirira.

Abanyarwanda barasabwa gukomeza kwikingiza byuzuye, harimo no guhabwa urukingo rwo gushimangira ku bujuje ibisabwa.

Iyi minisiteri yibukije abaturarwanda gukomeza kubahiriza amabwiriza yo kwirinda Covid-19 harimo kwambara agapfukamunwa no gukaraba intoki n’amazi n’isabune kenshi gashoboka.

Kugeza ubu abahawe urukingo rwa mbere ni miliyoni 8.8, mu gihe abahawe inkingo ebyiri ari miliyoni 8.0, mu gihe abahawe urukingo rushimangira ari miliyoni 2.3.