Minisitiri w’Ubuzima, Dr Jane Ruth Aceng yatangaje Uganda yakuyeho amabwiriza asaba icyemezo cy’uko umuntu yipimishije Covid-19 akaba ari muzima mu masaha 72, mbere yo kurira indege. Iki cyemezo kirareba abipimishije mu buryo bwuzuye.
Gusa ariko abagenzi bashobora gusabwa kwipimisha bakoresheje PCR mu gihe ari amabwiriza y’igihugu bagiye kwerekezamo cyangwa ay’indege ibatwara.
Kugeza ubu muri Uganda doze zirenga miliyoni 44 zimaze gutangwa, aho nibura miliyoni 15 ni ukuvuga 71% bamaze guhabwa doze imwe.
Minisitiri Aceng yatangaje ko miliyoni zirenga 10 zimaze gukingirwa byuzuye bikaba bingana na 48% by’abaturage bose bakeneye gukingirwa, ni mu gihe 59.542 ari bo bahawe urukingo rushimangira.
