Umunya-Eritrea Henok Mulubrhan ukinira Green Project-Bardiani CSF-Faizanè yo mu Butaliyani, yegukanye Agace ka Munani anatwara Tour du Rwanda 2023, kuri iki Cyumweru tariki 26 Gashyantare 2023.
Perezida Paul Kagame yitabiriye isozwa ry’iri risaganwa mpuzamahanga kuri Canal Olympia- Rebero.
Agace kakinwe uyu munsi kari ku ntera y’ibilometero 75,3.
Ku rutonde rusange, Henok Mulubrhan w’imyaka 23, yegukanye Tour du Rwanda 2023 amaze gukoresha amasaha 28, iminota 58 n’isegonda rimwe, ibihe anganya na Walter Calzoni wa Q36.5 Pro Cycling Team.
Henok Mulubrhan yabaye Umunya-Eritrea wa gatatu wegukanye Tour du Rwanda kuva igiye ku rwego rwa 2,1 mu 2019.
