Igihugu cya Tunisia cyatangaje ko umwambaro w’abasilamukazi uhisha isura utazongera kwambarwa ahantu hahurira abantu benshi ku mpamvu z’umutekano.
CNN yanditse ko Minisitiri w’intebe w’iki gihugu Youssef Chahed kuri uyu wa gatanu yasinye itegeko ribuza umuntu wese wambara uyu mwambaro uhisha isura uzwi nka ‘Niquab’,kwirinda kwegera ahahurira abantu benshi,nko mu biro ndetse no ku nyubako za leta.
Iri tegeko rireba abanyagihugu ndetse n’abasura iki gihugu.
Mu kwezi kwa gatandatu uyu mwaka,habaye ibitero by”iterabwoba bibiri,mu murwa mukuru w’iki gihugu Tunis, bihitana abantu babiri,barindwi barakomereka.
Hatangajwe ko ibi bitero byakozwe n’abantu bari bambaye ‘Niqab’ mu rwego rwo kugira ngo inzego z’umutekano zitababanona amasura.
