Umunyamabanga wa Leta ushinzwe ubuzima Mutahi Kagwe, yatangaje ko habonetse umuntu wa mbere ufite coronavirus muri iki gihugu.
Yavuze ko uyu ari umugore uherutse kugera i Nairobi tariki 5 Werurwe 2020, avuye muri leta zunze ubumwe za Amerika aciye i London mu Bwongereza.
Bwana Kangwe yabwiye abanyamakuru ko laboratoire isuzuma indwara ziterwa na virus yabonye iyi ndwara muri uyu muntu ejo nijoro kuwa 12 Werurwe 2020.
Yagize ati “Ubu ameze neza, ntabwo arwaye, umuriro we wagabanutse, ararya ariko ntabwo yavanwamu kato ibipimo bitaremeza ko yakize iyi ndwara.“
Bwana Kagwe yavuze ko Kenya yari yiteguye cyari ikibazo cy’igihe gusa. Gusa avuga ko nta mpamvu y’uko abaturage ba Kenya bashya ubwoba.
Ati: “Leta irakomeza ingamba zo kurinda ko iyi ndwara ikwirakwira”.
Yavuze ko abantu bose bahuye n’uyu mugore bari gukurikiranwa no gushakishwa ngo bavurwe.
Kenya ibaye igihugu cya 14 cya Afurika kigezemo coronavirus, ibaye igihugu cya mbere mu bigize umuryango wa Afurika y’Iburasirazuba igezemo iyi ndwara.
