Minisiteri y’Ubuzima yatangaje ko kuri uyu wa Gatanu tariki 27 Werurwe 2020, mu Rwanda hagaragaye abarwayi bane bashya b’icyorezo cya Covid-19. Ibi byatumye umubare w’abarwaye iki cyorezo bagera kuri 54.
Abarwayi bashya bagaragaye barimo umuntu umwe waje aturutse Duabi akaba yarahise ashyirwa mu kato.
Harimo Kandi undi muntu winjiye mu Rwanda aturutse muri Leta Zunze Ubumwe za Amerika nawe yahise ashyirwa mu kato.
Abandi bantu babiri nabo baharagayeho iki cyorezo nyuma y’uko bahuye n’abandi bayirwaye mu Rwanda, nabo bahise bashyirwa mu kato.
Minisiteri y’ubuzima ivuga ko Abarwayi bamaze kwandura bose bari kuvurirwa ahabugenewe kandi ngo bari koroherwa.
Abenshi muri bo nta bimenyetso bya Coronavirus bagaragaza Kandi nta n’umwe urembye.
