Ku rukiko rukuru rwa Kampala habaye igisa n’imyigaragambyo ikomeye abarwanashyaka ba Bobi Wine mu ishyaka National Unity Platform bahanganye n’abafana ba Kibalama wahoze ari Perezida National Unity, Reconciliation and Development Party yaje kugurisha Bobi Wine
Aba bagabo baraburana ko Bobi Wine yaba yarakoresheje amanyanga agura iri shyaka akanaryandikisha mucyo bita amanyanga.
Ikinyamakuru Daily Monitor cyanditse ko abayoboke ba Kibalama baravuga ko ishyaka ryabo yaritanze atababwiye, akanarihindurira ubuyobozi akabwegurira Bobi Wine atababwiye.
Hari amakuru avugako Bobi Wine yaba yaremereye Kibalama kumuha miliyoni 5 z’amadorari akamwegurira iri shyaka, nawe agahita aryiyandikishaho.
Abashyigikiye ishyaka rya mbere ryari riyobowe na Kibalama barasaba ko urukiko rukuru rutegeka komisiyo y’amatora, ikandukuza iri shyaka bakarisubirana kuko ryatanzwe mu buriganya.
Mbere y’uru rubanza abanyamakuru bangiwe kwinjira ndetse n’abashyigikiye Kibalama na Bobi Wine batana mu mitwe hitabazwa abapolisi bashinzwe guhosha imyigaragambyo.
Mu gihe urukiko rwatesha agaciro ukubaho kw’ishyaka National Unity Platform rya Bobi Wine, birashoboka ko kwiyamamariza gutegeka igihugu umwaka utaha byamugora kuko ihuriro rye People Power banze kuryandika.
Abahoze mu ishyaka National Unity, Reconciliation and Development Party barasaba ko barisubizwa rigasubirana ibirango byaryo ryahoranye.
