Ubuholandi bwiyongeyereye ku bindi bihugu byamaze guharika gukoresha urukingo rwa Oxford-AstraZeneca kubera impungenge z’ingaruka rushobora kuba rutera.
Leta y’Ubuholandi yavuze ko icyo cyemezo cy’agateganyo, kizageza nibura tariki 29 z’uku kwezi kwa gatatu, ari ukwirinda.
Kare, Repubulika ya Ireland yari yafashe icyemezo nk’iki kubera amakuru yo kuvura kw’amaraso ku bantu barutewe muri Norvège.
Gusa ishami ry’umuryango w’Abibumbye ryita ku Buzima ku Isi OMS rivuga ko nta kintu kigaragaraza ihuriro hagati y’uru rukingo no kuvura kw’amaraso.
BBC yanditse ko ikigo cy’uburayi kireba iby’imiti (European Medicines Agency, (EMA) kiri kwiga ku kuvura kw’amaraso kumaze kuba – kivuga ko ibyiza by’uru rukingo bikiruta ibyago rwateza.
Denmark, Norvège, Bulgaria, Iceland na Thailand byamaze guhagarika gukoresha urukingo rwa AstraZeneca.
