Afurika: OMS yasabye leta z’ibihugu kudatakariza ikizere urukingo rwa AstraZeneca

Ishami ry’Umuryango w’Abibumbye ryita ku buzima ku Isi OMS rirasaba leta z’ibihugu bya Afurika kudatakaza icyizere ku rukingo rwa rw’icyorezo cya Covid-19 rwo mu bwoko bwa Oxford-AstraZeneca, nyuma y’uko ibihugu byinshi byo ku mugabane w’i Burayi bihagaritse kurukoresha.

Ibihugu bya Afurika bimaze kwakira doze zirenga miliyoni 14 z’urukingo rwa AstraZeneca, kuko ruhendutse kandi rworoshye kubika ugereranyije n’andi moko y’inkingo z’icyorezo cya Covid-19  zemejwe.

Umuyobozi ushinzwe ishami rijyanye no gukingira muri OMS muri Afurika  avuga ko kugeza ubu uru rukingo rugaragaza ko nta kibazo ruteje.

Ibihugu bigera kuri 24 byo ku mugabane wa Afurika byatangiye gukingira bikoresheje izi nkingo byahawe muri gahunda ya Covax.

Mihigo yabwiye BBC ko basaba ibihugu bya Africa gufata ibyemezo bishingiye ku bimenyetso bifatika n’amakuru.

Kugeza ubu, Repubulika ya Demokarasi ya Congo na Cape Verde (Cap-Vert) ni byo bihugu bya Africa bimaze kuba bisubitse gahunda yo gukingira, kubera ibivugwa byo kwipfundika kw’amaraso kubera uru rukingo.