Umunsi w’isomwa ry’urubanza rwa Bosco Ntanganda wamenyakane

Urukiko
Mpuzamahanga Mpanabyaha (ICC) rwatangaje ko tariki 8 Nyakanga 2019 ruzatangaza
umwanzuro ku byaha Bosco Ntaganda ashinjwa gukorera muri Repubulika Iharanira
Demokarasi ya Congo.

Ntaganda Bosco yahoze ayoboye Umutwe w’Inyeshyamba wa ‘Forces Patriotiques pour la Libération du Congo (FPLC)’ akaba  ashinjwa ibyaha bitanu byibasiye inyokomuntu n’ibyaha 13 by’intambara yakoreye ku butaka bwa Repubulika Iharanira Demukarasi ya Kongo hagati ya 2002 na 2003.

Mu byaha ashinjwa harimo ubwicanyi, gufata ku ngufu, ubujura, gukoresha abana mu bikorwa by’intambara n’ibindi.

Urubanza
rwe rwatangiye mu 2015, rupfundikirwa muri Kanama umwaka ushize.

Ntaganda
afungiye muri Gereza y’Urukiko Mpuzamahanga guhera mu 2013 ubwo
yarwishyikirizaga.

Mu
rubanza rwe urukiko rwumvise abatangabuhamya 80 b’uruhande rw’ubushinjacyaha
n’abatangabuhamya 19 b’uruhande rw’uregwa. Humviswe kandi n’abatangabuhamya
batatu b’imiryango yagizweho ingaruka n’ibyo Ntaganda ashinjwa.

Muri
uru rubanza rumaze imyaka itatu Ntaganda yaburanye ahakana ibyaha ashinjwa.

Ntaganda
yavukiye mu Rwanda mu 1973. Yaje kwimukira i Masisi mu Ntara ya Kivu
y’Amajyaruguru, aza kujya mu Ngabo zari iza FPR Inkotanyi mbere yo kuba
inyeshyamba muri Congo.

Ni
Général wabaye mu ngabo za Congo hagati ya 2007 kugeza mu 2012. Mu mwaka wa
2013 yahungiye muri Ambasade ya Amerika mu Rwanda asaba gushyikirizwa ubutabera
dore ko yashakishwaga ku byaha ashinjwa.

Leave a Reply