Umufaransa Thomas Bonnet ukinira ikipe ya Total Energies, yegukanye agace ka Kane ka Tour du Rwanda 2023 kavaga i Musanze kerekeza i Karongi, kuri uyu wa Gatatu tariki 22 Gashyantare 2023.
Ni agace kari gafite intera ingana na Kilometero 138,3.
Thomas Bonnet w’imya 24 y’amavuko, yegukanye aka gace akoresheje amasaha 3 iminota 19 n’amasegonda 23, akaba yahise yambara umwenda w’umuhondo.
Thomas Bonnet w’imya 24 y’amavuko, yegukanye aka gace akoresheje amasaha 3 iminota 19 n’amasegonda 23.
Bonnet wahize yambara umwenda w’umuhondo amaze gukoresha amasaha 14, iminota 40 n’amasegonda 33, arusha amasegonda 20 Henok Mulueberhane wabaye uwa gatanu kuri iyi nshuro aho yasizwe amasegonda 31.
Muhoza Eric ukinira Bike Aid, yongeye kuba Umunyarwanda witwaye neza kuko yaje ku mwanya wa 12 aho yasizwe amasegonda 31.
Ku rutonde rusange, Muhoza aracyari ku mwanya wa 11 aho arushwa amasegonda 31 mu gihe Froome arushwa umunota umwe n’amasegonda umunani.
Tour du Rwanda 2023 izakomeza kuri uyu wa Kane, tariki ya 23 Gashyantare, hakinwa Agace ka Gatanu kazahagurukira i Rusizi kerekeza i Rubavu ku ntera y’ibilometero 195,5.
